Қазақстан мен АҚШ мамандары конфессияаралық ынтымақтастықты нығайту жөніндегі жобаларды талқылады
Дін істері комитетінің төрағасы Ержан Нүкежанов АҚШ-тың «LYN Community» ҮЕҰ-ның президенті У. Кусакпен және «IRF Secretariat» бас директоры Грег Митчеллмен кездесті, деп хабарлайды El.kz ақпарат агенттігі.
Кездесу барысында тараптар республикадағы әртүрлі діндер мен конфессиялар өкілдері арасындағы өзара түсіністік пен ынтымақтастықты одан әрі тереңдетуге ықпал ететін жобаларды жүзеге асыру мәселелерін талқылады.
Америкалық тарап Комитеттің діни бостандық және конфессияаралық диалог орнату мәселелерін талқылау бойынша іс-шараларды өткізуге көмек көрсетіп жатқанына алғысын білдірді.
Кездесу соңында Ержан Нүкежанов Комитет конфессияаралық келісім мен діни сенім бостандығы саласын дамытуға ерекше көңіл бөлетінін жеткізді. Сонымен қатар екі тарап арасында жемісті ынтымақтастық орнап, өзара түсіністікте жұмыс жасайтынына сенім білдірді.
Қысқа да нұсқа. Жазылыңыз telegram - ға