Қазақстан атынан «Junior Eurovision 2022» байқауына кім қатысады?
Байқау 11 желтоқсанда Ереванда өтеді
Junior Eurovision 2022 халықаралық ән байқауында Қазақстан намысын Давид Чарлин қорғайтын болады, деп хабарлайды El.kz ақпарат агенттігі «Хабар» телеарнасының баспасөз қызметіне сілтеме жасап.
Junior Eurovision 2022 халықаралық ән байқауының Гранд-финалы 11 желтоқсан күні Армения астанасы Ереван қаласында өтеді. Өнер бәйгесінде Қазақстан намысын биыл «Baqytty Bala-2022» IV халықаралық байқауының финалисі Давид Чарлин қорғайды. Қазақстандықтар тікелей эфирді 11 желтоқсан, сағат 21:00-де «Хабар» телеарнасынан тамашалай алады.
Давид Чарлин жоба үшін арнайы жазылған «Жер-Ана» атты композицияны орындайды.
Айта кетейік, Қазақстан Junior Eurovision әлемдік ән додасына осымен бесінші мәрте қатысады. Бұл жолы елімізден басқа еуропалық 15 мемлекеттің жас әншілері бақ сынайды.
Қысқа да нұсқа. Жазылыңыз telegram - ға