Қатты жел өртті сөндіруді қиындатуда - жедел штаб
Семейде желдің күшеюіне байланысты өрт сөндіру қиынға түсуде, деп хабарлайды El.kz ақпарат агенттігі.
Бұл туралы жедел штабтың басшысы Димитрий Гариков мәлім етті. Айтуынша, өрт Каштак орманшылығы бағытында жүріп жатыр және жедел ден қою үшін техникалар сол бағытта жиналады.
Ол сонымен қатар негізгі өрт сөндіру жұмыстары түнде жүргізіледі деп отыр.
Қазір желдің күшеюіне байланысты жағдай нашарлауда. Өрт Таврия елдімекені Каштак орманшылығына қарай бағыт алды. Техниканың шамамен 65%-ы дәл сол жерде жинақталған. Успен орманшылығында мезгіл-мезгіл шағын өрт нүктелері пайда болуда. Негізгі жұмыс түнде жүргізіледі. Сондай-ақ, Жерновка ауылында күрделі жағдай сақталуда - рельефке байланысты техника ол жерден өте алмайды, - деп атап өтті Димитрий Гариков.
Қазір өрт сөндірушілер үшін ең бастысы – елдімекендерге өртті кіргізбей, ұстау.
Қазір адамдар үйлерінде, олар ескертілді. Тәуекел аймағында Таврия болғанша жел сол бағытта жүреді. Облыс және қала әкімі Қазір Каштак орманшылығында, - деп атап өтті Гариков.
Сондай-ақ штаб басшысы өрттен Батпаев және Успен орманшылықтары қатты зардап шеккенін айтты.
Батпаев орманшылығы қатты зардап шекті – орман шетінен шамамен 7-8 шақырым қашықтықтағы аумақ зардап шекті, Успен ауданындағы жер ең көп зардап шекті. Мен өрттің мұндай ауқымын көрген жоқпын, бірақ 22-ші мамырдағы бірінші өрттен кейін біз өзімізді сенімді сезінеміз. Өрт сөндірушілерге азық-түлік жетіспейтіні туралы хабарларға келетін болсақ, олай емес. Жұмыс жүргізілуде, облыс тұрғындарына, еріктілерге, бей-жай қарамайтын азаматтарға үлкен алғыс айтамыз, - деп қорытындылады Димитрий Гариков.
Қысқа да нұсқа. Жазылыңыз telegram - ға