Қасым-Жомарт Тоқаев Еуропалық қайта құру және даму банкінің президентімен кездесті
Фото: akorda.kz
Фото: akorda.kz
03.04.2025 19:38
1170
Қасым-Жомарт Тоқаев Еуропалық қайта құру және даму банкінің президенті Одиль Рено-Бассомен кездесті, деп хабарлайды El.kz ақпарат агенттігі Ақордаға сілтеме жасап.
Басқосуда экономиканың түрлі секторындағы ынтымақтастық мәселелері талқыланды. 2024 жылы Қазақстан Үкіметі мен ЕҚДБ 935 млн долларға 25 жобаны қаржыландыру туралы келісімге қол жеткізді.
Одиль Рено-Бассо ЕҚДБ «жасыл экономика» бағдарламаларын жүзеге асыруға 2 млрд еуро инвестиция құюды жоспарлап отырғаны туралы тың мәліметтер берді. Қазақстан Президенті банк секторының өркендеуіне қолдау көрсеткені үшін алғыс айтты.
Қасым-Жомарт Тоқаев пен Одиль Рено-Бассо қаржы саласындағы жаһандық үрдістер жөнінде пікір алмасты.
Бөлісу:
Қысқа да нұсқа. Жазылыңыз telegram - ға