Қарасай ауданында мешіт отқа оранды
Фото: видеодан алынған кадр
Фото: видеодан алынған кадр
10.02.2025 13:02
330
9 ақпан таңертең Алматы облысы Қарасай ауданы, Еңбекші ауылында орналасқан мешіттен өрт шықты. Жалын 50 шаршы метр аумақты шарпып, ғимарат ішіндегі жиһаз бен шаруашылық заттары өртенді, деп хабарлайды El.kz ақпарат агенттігі.
Оқиға орнына дереу Алматы облысы Төтенше жағдайлар департаментінің (ТЖД) 14 қызметкері мен 4 бірлік техникасы жұмылдырылды. Өрт сөндіру бөлімі мешіттен 22 шақырым қашықтықта орналасқан.
Қабылданған жедел шаралардың нәтижесінде өрт дер кезінде оқшауланып, толық сөндірілді. Қайтыс болғандар мен зардап шеккендер жоқ.
Оқиғаның нақты себептерін анықтау үшін Алматы облысы ТЖД-нің зерттеу сынақ өрт зертханасы мен анықтау бөлімінің қызметкерлері тексеру жұмыстарын жүргізіп жатыр.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Екібастұзда 18 млн теңгенің вейпі тәркіленді
Келесі жаңалық
Тұман, көктайғақ: 11 ақпанда ауа райы қандай болады