Жаңалықтар

Қарағандыда жатақхана өртеніп, 10 адам ауруханаға түсті

Қарағандыда жатақхана өртеніп, 10 адам ауруханаға түсті
Фото: ТЖМ баспасөз қызметі 02.04.2025 17:32 359
Қарағанды қаласында университет жатақханасынан өрт шыққаннан кейін 10 студент ауруханаға жеткізілді, деп хабарлайды El.kz ақпарат агенттігі.
 
Облыстық төтенше жағдайлар департаменті таратқан ақпаратқа сәйкес, бұл оқиға Бөкетов атындағы Қарағанды университетінің жатақханасында болған. Бірінші қабатта қоқыс құбырынан өрт шыққан. Тілсіз жау 1,5 шаршы метр ауданға тарады.
 
Құтқарушылар баспалдақпен төрт адамды шығарып алды. Ал өрт 19 минуттың ішінде өшірілді, - делінген ресми хабарламада.
Денсаулық сақтау басқармасы 10 студенттің зардап шеккенін хабарлады. Барлығы ауруханаға жеткізілді.
"Ауруханаға түскенде жағдайы тұрақты болды. Қазіргі кезде қосымша медициналық тексерістен өтіп жатыр. Одан кейін үй жағдайында емделуге ауыстырылады", - дейді дәрігерлер.
 
Бөлісу:
Telegram Қысқа да нұсқа. Жазылыңыз telegram - ға