Қарағанды облысында қаза тапқан кеншілердің балаларына тиісті көмек көрсетіледі
![Қарағанды облысында қаза тапқан кеншілердің балаларына тиісті көмек көрсетіледі Қарағанды облысында қаза тапқан кеншілердің балаларына тиісті көмек көрсетіледі](/storage/storage/element/2023/10/28/mainphoto/74318/1200xauto_DtXkq0uufe9Txh8EQ0OYmghgPcH0ttEEAT8dQCDx.jpg)
Қарағанды облысындағы Костенко атындағы шахтада болған қайғылы оқиғаға байланысты ҚР Оқу-ағарту министрлігінің Балалардың құқықтарын қорғау комитеті қаза тапқандардың отбасыларына көңіл айтып, марқұмдардың балаларына қандай көмек көрсетілетінін мәлімдеді, деп хабарлайды хабарлайды El.kz ақпарат агенттігі комитеттің баспасөз қызметіне сілтеме жасап.
Оқу-ағарту министрінің тапсырмасы бойынша қаза тапқан кеншілердің балаларына барлық қажетті қолдау шаралары көрсетілетін болады.
Облыстық білім басқармасының жанынан қаза тапқан және зардап шеккендердің балаларына көмек көрсету үшін Оқу-ағарту министрлігінің, білім басқармасының, Қарағанды облысының Бала құқығы жөніндегі өңірлік уәкілінің, мектептердің, әлеуметтік педагогтардың, педагог-психологтардың өкілдерінен тұратын мобильдік топ құрылды. Мобильді топ жұмысының шеңберінде балалардың тізімдері қалыптастырылуда. Қаза тапқан және зардап шеккендердің отбасыларынан шыққан балаларға жан-жақты психологиялық көмек көрсетіледі, деп жазылған комитет таратқан ақпаратта.
![Telegram](https://el.kz./static/site/images/tel26.png)