Қаңтар айындағы ҰБТ-ға өтініш беру уақыты ұзартылды
![Қаңтар айындағы ҰБТ-ға өтініш беру уақыты ұзартылды Қаңтар айындағы ҰБТ-ға өтініш беру уақыты ұзартылды](/storage/storage/element/2024/01/05/mainphoto/83939/1200xauto_jFFdiVRya0E4ox2G2XB9VaJi1wvX9kdm0UzFjwFS.png)
Қаңтар айындағы ҰБТ-ға өтініш беру 9 қаңтарға (қоса алғанда) дейін ұзартылады, деп хабарлайды El.kz ақпарат агенттігі.
Өңірлерде қосымша орындар ашу жұмыстары жүргізілуде. Бұл туралы ақпарат парақшада дүйсенбі күні жарияланады. Сондай-ақ сіздерден бос орындар туралы жалған ақпарат таратушыларға сенбеуді және өзекті жаңалықтарды тек ресми ақпарат көздерінен, яғни әлеуметтік желілердегі біздің парақшаларымыздан және www.testcenter.kz сайтынан оқуды сұраймыз, - деп жазды Ғылым және жоғары білім министрлігінің ақпаратында.
ҰБТ-ға тіркелу Ұлттық тестілеу орталығының app.testcenter.kz. сайтында немесе UTO қосымшасы арқылы жүргізіледі. Тестілеудің өзі 18 қаңтар мен 10 ақпан аралығында өтеді. Естеріңізге сала кетсек, қаңтардағы ҰБТ-ға шартты түрде ақылы негізде күндізгі оқу нысаны бойынша жоғары оқу орындарына қабылданған, жазғы ҰБТ нәтижелері бойынша шекті балл жинамағандар, шығармашылық ББТ-дан басқа дайындық бағыттарына, педагогикалық бағытқа ақылы негізде ауысқысы келетіндер, сондай-ақ мектеп бітіретін түлектер жоғары оқу орындарына ақылы негізде түсу үшін қатысады.
Қатысушылар тестілеу өткізілетін орынды, күнді және уақытты өздері таңдайды.
![Telegram](https://el.kz./static/site/images/tel26.png)