Қамсыз отыруға болмайды, бәріне сақадай сай болуымыз керек - Тоқаев
Фото: ҚР Президентінің баспасөз қызметі
Фото: ҚР Президентінің баспасөз қызметі
05.05.2023 13:56
1322
Президент Қасым-Жомарт Тоқаев еліміздің қорғаныс және қауіпсіздік саласын күшейту – басты міндеттің бірі екенін айтты, деп хабарлайды El.kz ақпарат агенттігі.
Біз барлық елмен достық қатынас орнаттық. Мемлекеттер арасындағы кез келген мәселені бейбіт жолмен шешу керек деп санаймыз. Дегенмен қамсыз отыруға болмайды. Барлық жағдайға сақадай сай болуымыз айрықша маңызды. Еліміздің қорғаныс және қауіпсіздік саласын күшейту – басты міндеттің бірі, - дейді Қасым-Жомарт Тоқаев.
Ол отанымыздың іргесі берік болуын қамтамасыз ету – әр азаматтың перзенттік парызы. Сондай-ақ өмір жолын әскери қызметке арнаған мамандардың кәсіби міндеті. Қазақстан – бейбіт мемлекет деп айтты.
Президент мемлекеттің қорғаныс қабілетін күшейту, ұлттық қауіпсіздікті нығайту, сондай-ақ заң үстемдігі мен құқықтық тәртіпті қамтамасыз ету еліміздің мызғымас басымдықтары екенін атап өтті.
Оның айтуынша, мемлекет күштік құрылымдарға көрсетілетін қолдауды дәйекті түрде кеңейтіп келеді. Инфрақұрылым, материалдық-техникалық тұрғыда жабдықтау мәселелері кезең-кезеңмен жақсарып, еңбекақы мен әлеуметтік жеңілдіктер артып жатыр.
Өз ісінің нағыз шебері атанып, мінсіз қызмет атқарып келесіздер. Ортамызда антына адал болып, ел қауіпсіздігі үшін басын қатерге тіккен бейбіт күннің батырлары бар. Олардың ерлігі, шын мәнінде, барша халыққа, әсіресе, жастарға үлгі-өнеге, - деді мемлекет басшысы.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
FIFA президенті Қазақстан қақпасына үш гол соқты
Келесі жаңалық
Шымкенттік дәрігер республикада үздік атанды