Қағаз өнімдерін шығаратын қазақстандық фабрика өнім көлемін үш есеге арттырды
Премьер-министр Олжас Бектеновтің төрағалығымен өткен Үкімет отырысында қазақстандық тауар өндірушілер мемлекеттік қолдау шараларының оң әсері туралы айтты, деп хабарлайды El.kz ақпарат агенттігі.
«Радуга» ЖШС қағаз өнімдерін өндіру фабрикасының бас директоры Дмитрий Шарапаев жаңа шаралардың, соның ішінде отандық өндірушілердің пайдасына мемлекеттік сатып алу кезінде ұлттық режимнен алып тастауды белгілеудің арқасында кәсіпорынның жүктемесі 30%-дан 100%-ға дейін өскенін хабарлады. Биылғы жеті айда өндіріс көлемі 3 есеге — 900 тоннадан 2 700 тоннаға дейін ұлғайды.
Үкімет отандық тауар өндірушілерді белсенді қолдайды, бұл олардың тұрақты дамуы мен кеңеюіне ықпал етеді. Мұның жарқын мысалдарының бірі – біздің зауыт, ол мемлекеттік қолдау шараларын енгізу және ұлттық режимнен алып тастауды белгілеу арқылы өзінің өндірістік қуатын едәуір арттыра алды. Бүгінгі таңда біздің кәсіпорынның жүктемесі 12%-дан 100%-ға дейін өсті, бұл мемлекеттік саясат құрған қолайлы жағдайлардың арқасында мүмкін болды, — деп атап өтті бизнесмен.
Кәсіпкердің сөзінше, бұл өзгерістер кәсіпорынға өз ресурстарын толық пайдалануға және өндірілетін өнімнің жоғары көлемі мен сапасын арттыруды қамтамасыз ете отырып, өндірістік процестерді оңтайландыруға мүмкіндік берді.
Қысқа да нұсқа. Жазылыңыз telegram - ға