Президент Родина ауылындағы сүт зауытына барды
![Президент Родина ауылындағы сүт зауытына барды Президент Родина ауылындағы сүт зауытына барды](/storage/storage/element/2024/08/16/mainphoto/117237/1200xauto_Heflrhsd0CODizWyjL5yZ7mWmR0l6wwkhmc6Wyjl.jpg)
Фото: Ақорда
Фото: Ақорда
16.08.2024 15:37
459
Мемлекет басшысына индустрияландыру бағдарламасы аясында іске қосылған нысандағы өндірістік процесс таныстырылды, деп хабарлайды El.kz ақпарат агенттігі.
Заманауи қондырғылармен жабдықталған әрі озық еуропалық технологиямен жұмыс істейтін кәсіпорын тәулігіне 50 тонна сүт өндіреді. Сонымен қатар сүт өнімдерінің бірнеше түрін шығарады. Қазір мұнда 36 адам еңбек етеді.
Президент зауыт жұмысшыларымен әңгімелесіп, «Родина» агрофирмасының үлгілі шаруашылық екенін айтып, жүйелі жұмысты одан әрі жалғастыра беруге шақырды.
Жалпы Ақмола облысында сүт өнімдерін шығаратын 15 кәсіпорын бар. Сонымен қатар өңірде 7 тауарлы сүт фермасы салынып жатыр. Осы бағыттағы жобаларды қаржыландыруға 13,3 миллиард теңге бөлінген.
Бөлісу:
![Telegram](https://el.kz./static/site/images/tel26.png)