Павлодарлық жедел уәкілдер зейнеткерлерді алдаған күдікті топты ұстады
Павлодар облысында аяқтық жасап, зейнеткерлерді алдаған қылмыстық топ ұсталды, деп хабарлайды El.kz ақпарат агенттігі.
Полицияға егде жастағы 30-ға жуық тұрғын алаяқтық бойынша шағымданған.
Жедел-іздестіру іс-шараларының нәтижесінде алаяқтық әрекеттер жасау күдігі бойынша қылмыстық топ ұсталды.
Олар 19-21 жас аралығындағы Павлодар қаласының төрт тұрғыны болып шықты. Қазір олардың алты алаяқтыққа қатысы анықталды, алдау арқылы зейнеткерлерден шамамен 25 млн теңге қаражат иеленген. Ұсталғандардан 3 млн 900 мың теңге тәркіленіп, тиісті ақша екі жәбірленушіге қайтарылды.
ҚР ҚК 190-бабы 3-бөлігі бойынша сотқа дейінгі тергеу басталды. Екеуіне қатысты қамауға алу түріндегі бұлтартпау шарасы,тағы екеуіне қатысты ешқайда кетпеу туралы жазылым түріндегі бұлтарпау шаралары таңдалды. Олардың ұқсас фактілерге қатысуы тексерілуде, - деп жазылған ІІМ таратқан мәліметте.
Қысқа да нұсқа. Жазылыңыз telegram - ға