Павлодардағы моншалардың бірінде ер адамды өлгенше сабаған
Фото: ©El.kz
Фото: ©El.kz
03.04.2025 14:26
529
Олар уақытша ұстау изоляторына қамалды, деп хабарлайды El.kz ақпарат агенттігі.
Қайғылы оқиға моншалардың бірінде болған. Облыстық полиция департаменті баспасөз қызметінің мәліметінше, жәбірленушінің өліміне әкеп соққан денсаулыққа қасақана ауыр зиян келтіру фактісі бойынша қылмыстық іс қозғалды.
Екі күдікті ізін суытпай ұсталған.
Жедел жәрдем станциясында шақырту Астана көшесіндегі моншадан түскенін хабарлады. Дәрігерлер оқиға орнына жеткенде 52 жастағы ер адамның көз жұмғанын анықтады.
Бұған дейін әлеуметтік желіде Павлодардағы моншалардың бірінде болған төбелестің видеосы тараған. Кадрларда бірнеше ер адамның демалыс бөлмесінде екі келушіні соққыға жыққаны көрінеді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Маңғыстауда оқушылар тағамнан уланып, ауруханаға түсті