"Парижден жағымды жаңалық". Қазақстан Дүниежүзілік мұралар комитетінің мүшесі болды
!["Парижден жағымды жаңалық". Қазақстан Дүниежүзілік мұралар комитетінің мүшесі болды "Парижден жағымды жаңалық". Қазақстан Дүниежүзілік мұралар комитетінің мүшесі болды](/storage/storage/element/2023/11/23/mainphoto/77873/1200xauto_Pnj4bkN89K2y92Xktwfo6XZwrTrx8Tp7TFPwiRAG.png)
Бұл туралы Мемлекеттік кеңесші Ерлан Қарин Telegram арнасында жазды, деп хабарлайды El.kz ақпарат агенттігі.
Парижден жағымды жаңалық жетті. ЮНЕСКО Бас конференциясы жұмысының соңғы күні Қазақстан 2023-2027 жылдарға Дүниежүзілік мұралар комитетінің мүшесі болып сайланды. Құрамына 21 мемлекет кіретін Дүниежүзілік мұралар комитеті ─ ЮНЕСКО-ның аса маңызды әрі беделді басқарушы органы. Бұл Комитеттің нысандарды Дүниежүзілік мұралар тізіміне енгізуге және алып тастауға айрықша құқығы бар, - деп жазды Ерлан Қарин.
Қазақстанның кандидатурасын 118 мемлекет қолдады.
Еліміздің Дүниежүзілік мұралар комитетіне мүше болып сайлануы бірегей мәдени және табиғи мұраларамызды сақтауға қатысты белсенді жұмысымызды халықаралық қауымдастықтың мойындайтынын көрсетеді. Сондай-ақ бұған дейін ЮНЕСКО-ның Алматыдағы кеңсесіне Орталық Азия мемлекеттерінен бөлек Ауғанстан, Пәкістан және Иран мемлекеттерін қамтитын Көпсекторлы аймақтық кеңсе (Бюро) мәртебесін беру туралы шешім қабылданған болатын, - деп толықтырды Мемлекеттік кеңесші.
Айта кетейік, Мемлекеттік кеңесші Ерлан Қарин Бердібек Соқпақпаев пен Нұрғиса Тілендиевтің мерейтойы ЮНЕСКО көлемінде аталып өтетінін айтқан еді.
![Telegram](https://el.kz./static/site/images/tel26.png)