Пансионат қызметкерлері қарттарды ұрып-соғып, пәтерлерін жалға беріп келген
Фото: ©El.kz/Артем Чурсинов
Фото: ©El.kz/Артем Чурсинов
14.01.2025 10:48
549
Павлодарда қарт адамдарды азаптаумен және алаяқтық әрекеттермен айналысатын қылмыстық топтың қызметі тоқтатылды, деп хабарлайды El.kz ақпарат агенттігі.
Павлодар қаласының прокуратурасы Полиция департаментімен бірлесіп, мүгедектігі бар зейнеткерлерді үнемі ұрып-соққан жеке пансионатты анықтады.
Прокуратура мәліметінше, пансионат қызметкерлері 20 қарт адамның конституциялық құқықтарын өрескел бұзған (тамақтануды, қозғалысты шектеді, ұрып-соқты) және ұзақ уақыт бойы қайтыс болған адамдардың пәтерлерін жалға беріп келген.
Көрсетілген фактілер бойынша сотқа дейінгі іс жүргізу басталды, оларды тергеп-тексеру ішкі істер органдарына тапсырылды, - делінген мәліметте.
ҚР ҚПК-нің 201-бабына сәйкес тергеу мүддесі үшін өзге ақпарат жария етілмейді.
Бөлісу:
Қысқа да нұсқа. Жазылыңыз telegram - ға