Өткен жылы елімізде қызылшаның отыз мыңға жуық дерегі ресми тіркелді
Республикада қызылша инфекциясының таралуына қарсы күрес шаралары, халықты жоспарлы және қосымша иммундау қарқыны туралы ҚР ДСМ "Қоғамдық денсаулық сақтау ұлттық орталығы" ШЖҚ РМК Басқарма төрағасы Манар Смағұл ОКҚ-да өткен сараптамалық брифингте айтып берді, деп хабарлайды El.kz ақпарат агенттігі денсаулық сақтау министрлігіне сілтеме жасап.
Ол Қазақстанда 2023 жылы қызылшаның 29 648 жағдайы тіркелгенін, ағымдағы жылдың 9 қаңтарында аурудың 31 641 жағдайға өскенін, оның 79%-ы (24 940) 14 жасқа дейінгі балаларға тиесілі екенін хабарлады. Қызылша бойынша жағдайды тұрақтандыру мақсатында жоспарлы тәртіппен және ҚМИ шеңберінде тиісті адамдарға вакцинациялау жүргізіледі:
- қызылшаға қарсы жоспарлы вакцинациялау (ДДҰ ұсынған 11 айда кемінде 87% кезінде 1 жастағы балалардың 94%-ы және 6 жастағы балалардың 93%-ы қамтылған);
- 30 жасқа дейінгі вакцинацияланбаған байланыста болған адамдардың ошақтарында вакцинациялау (26 мыңнан астам адам егілді);
- бұрын екпелерді өткізіп алған 18 жасқа дейінгі балаларды вакцинациялау (165 мыңнан астам адам егілді);
- ҚМИ-949 мыңнан астам адам қамтылды, оның ішінде 6-10 айлық балалар 109 мыңнан астам, 2-4 жас аралығындағы балалар – 638 549. Яғни, күн сайын орта есеппен 21 мыңнан астам адам вакцина алады.
"Қазіргі уақытта қызылша бойынша ахуал тұрақты бақылауда, барлық қажетті эпидемияға қарсы шаралар жалғасуда", - деп түйіндеді ҚДҰО басшысы.
Қысқа да нұсқа. Жазылыңыз telegram - ға