«Осымен бәрі бітті деп ойладым»: Сот залынан бостандыққа шыққан жігіттің оқиғасы
Павлодарлық 21 жастағы Жоламан Құсайын 2024 жылдың тамыз айында орын алған төбелеске байланысты 4,5 жылға бас бостандығынан айырылған болатын. Бұл туралы El.kz ақпарат агенттігі Tengrinews.kz порталына сілтеме жасап хабарлайды.
Бұл оқиға кезінде 23 жастағы Сергей Сухоносенко ауыр жарақат алып, қаза тапты. Алайда, кейін интернетте таралған бейнежазбалар оқиғаға жаңа көзқарас қалыптастырып, істің қайта қаралуына негіз болды. Нәтижесінде сот Жоламанды қамаудан босату туралы шешім қабылдады.
Оқиға Павлодардағы түнгі бардың алдында болған. Алғашқы сот процесінде сот-медициналық сараптама марқұмның өліміне ауыр бас-ми жарақаты мен миға қан құйылу себеп болғанын анықтады. Осыған байланысты Жоламан Құсайынға Қылмыстық кодекстің 106-бабының 3-бөлігі бойынша "денсаулыққа қасақана ауыр зиян келтіру, абайсызда жәбірленушінің өліміне әкеп соғу" айыбы тағылды. Бірінші сот инстанциясы оны 4 жыл 6 айға бас бостандығынан айыру туралы үкім шығарды. Прокурорлар мен марқұмның анасы 8 жылдық жаза тағайындауды талап етті.
Алайда кейінірек төбелеске қатысты бейнежазбалар әлеуметтік желіде таралып, оқиғаның жаңа қырлары белгілі болды. Видеодан Сухоносенконың алдымен екі жас жігітке жақындап, кейін алыстап, қайта оралып, олардың біріне шабуыл жасағаны байқалады. Ол қолына жазылатын пышақ ұстап тұрғанымен, кейін қалтасына салып қойған. Осыдан кейін жастар арасында төбелес басталып, жанжал аяқталған сәтте Сергей Сухоносенко құлап, қаза тапқан.
Жаңа дәлелдер негізінде сот істі қайта қарап, Жоламан Құсайынды қамаудан босату туралы шешім қабылдады. Бұл жағдай қоғамда үлкен талқылауға ұласқанымен, соттың түпкілікті шешімі заңды негізге сүйеніп қабылданғаны хабарланды.
Салмағым 55 келі, ал ол шамамен 80 келі еді. Жақында ғана әскерден келген. Физикалық тұрғыдан мықты еді. Өте мас болғанын түсіндім және жай ғана төбелескісі келгенін байқадым. Оны тыныштандыруға тырыстым. Сергей пышағын шығарғанда, мені жаралағысы келетінін түсіндім. Сергей "Сені өлтіремін" деп айтқан. Шегіндім, бірақ ол қайта-қайта жақындап, пышақпен қорқытты. Өмірім үшін қорықтым. Жігіт мені әдейі мені таңдады, себебі айналамдағылардың ішінде ең әлсізі мен болдым, – деді Жоламан Құсайын.
Жас жігіт өзіне сенімді болғанын айтады. Өйткені ол "ешқандай қылмысқа бармадым, тек қорғандым" деп ойлаған.
Сол күні-ақ босататын шығар деп үміттендім. Өкінішке қарай, бәрібір 106-баптың 3-бөлігімен айыптады. Бұл бап бойынша ең аз жаза 8 жылдан басталады. Шок болдым. Не болып жатқанын түсінбедім. Не істерімді, қалай әрекет ететінімді білмедім. Үш айдан кейін сот басталды. Сотта мені босатады деп үміттендім. Бірақ 14 сот отырысы өтті. Сухоносенконың анасын көрдім. Әйелдің баласы қаза тапқандықтан, оған жаным ашыды, – деп еске алды Жоламан.
Бірінші инстанция сотында Жоламан Құсайынды 4 жыл 6 айға бас бостандығынан айырды.
Судья "4 жыл 6 ай бас бостандығынан айыру" деп үкім оқыды. Осы сәтте өмірім аяқталғандай сезіндім. Сол жерде өзімнің қаза тапқаным жақсы болар еді. Сухоносенко мені жарақаттаса, бәрі жеңіл болар еді. Сол жерде тыныш жатсам, туыстарым бұлай азап шекпес еді. Жақындарым екі ай жылап, сосын мені жоқ деп қабылдар еді. Ал мен болсам, бұл кезде өмірден күдерімді үздім, – деп бөлісті Жоламан.
Үкім шыққаннан кейін Жоламанды жазасын өтеуге жөнелтті.
Таңертеңгі тексерісте түрме қызметкерлері маған қарап, бейнежазбаны көргендерін айтты. Кейін белгілі болғандай, видео интернетке жүктелген екен. Сот менің кінәсіз екенімді және жақында босатылатынымды айтты. Сол кезде көңіл күйім сәл көтерілді. Әкем келіп, басқа адвокат жалдағанын айтты, – деді Жоламан.
Қысқа да нұсқа. Жазылыңыз telegram - ға