Өскеменде өзен жағасынан жас жігіттің мәйіті табылды
Өскемен қаласындағы Үлбі өзенінің жағасынан жас жігіттің мәйіті табылды, деп хабарлайды El.kz ақпарат агенттігі.
ШҚО полиция департаменті баспасөз қызметі таратқан мәліметке сәйкес, 19 жастағы жігіттің денесі Протозанов көшесінің маңындағы Үлбі өзенінің жағасынан табылған.
Мәйітті байқап қалған қала тұрғыны «102» жедел арнасына қоңырау шалды. Оқиға орнына тәртіп сақшылары шұғыл келіп жетті. Ер адамның нақты неден көз жұмғанын әзірге айта алмаймыз. Аталған факті бойынша тергеу амалдары жүргізіліп жатыр, тиісті сараптама тағайындалды. Өзге ақпарат ҚР Қылмыстық іс жүргізу кодексінің 201-бабына сәйкес жария етілуге жатпайды, - делінген ПД ақпаратында.
Бейресми мәліметтерге сүйенсек, жас жігіт суицид жасауы мүмкін. Себебі мәйіттің қасынан жіп табылған.
Қысқа да нұсқа. Жазылыңыз telegram - ға