Жаңалықтар

Өскеменде көпқабатты тұрғын үйден өрт шықты

Фото: ҚР ТЖМ / Видеодан алынған кадр

Фото: ҚР ТЖМ / Видеодан алынған кадр 29.10.2024 20:41 792

ШҚО құтқарушылары пәтердегі өртті сөндірді, деп хабарлайды El.kz ақпарат агенттігі.

ТЖМ мәліметінше, Өскеменде орналасқан көпқабатты тұрғын үйлердің бірінде екінші қабаттағы пәтерде өрт орын алды.

ТЖД қызметкерлері баспалдақ маршымен 5 адамды, оның ішінде бір баланы құтқару қалпақтары арқылы эвакуациялады. Осылайша, тұрғындарды түтін аймағынан таза ауаға шығарды. Тәжірибелі өрт сөндірушілер өрттің таралуына жол бермей, оны 35 шаршы метр алаңда жедел сөндірді, - делінген мәліметте.

Зардап шеккендер жоқ.

Бөлісу: