Өскеменде атасы 7 жасар немересін өлтірді деген күдікке ілінді
Фото: ©Pixabay.com
Фото: ©Pixabay.com
11.04.2024 03:20
984
Өскемен қаласында зейнеткер 7 жасар немересін өлтірді деген күдікпен ұсталды. Бұл туралы KAZINFORM-ға сілтеме жасай отырып El.kz ақпарат агенттігі хабарлайды.
Ер адамның немересіне бірнеше рет пышақ сұққаны айтылған. Ауыр жараланған 7 жасар бала сол жерде көз жұмған.
Шығыс Қазақстан облыстық Полиция департаменті оқиғаның болғанын растап, күдіктінің ұсталғанын жеткізді.
Кәмелетке толмаған баланы өлтіру дерегі бойынша қылмыстық іс қозғалды. Күдікті уақытша ұстау изоляторына қамауға алынған. Айғақты заттар алынып, қажетті сараптамалар тағайындалды. Барлық мән-жай анықталуда, - деді департаменттің баспасөз хатшысы Татьяна Карпова.
Оның айтуынша, өзге ақпарат ҚР ҚПК-нің 201-бабына сәйкес жария етілуге жатпайды.
Бөлісу:
Қысқа да нұсқа. Жазылыңыз telegram - ға