Орал тұрғыны заңсыз қару сақтаған, – деп хабарлайды El.kz ақпараттық агенттігі Polisia.kz-ке сілтеме жасап.
12 қаңтарда сағат 15:30 шамасында БҚО ПД Ұйымдасқан қылмысқа қарсы күрес басқармасының қызметкерлері мен Экстремизмге қарсы іс-қимыл басқармасы бірлесіп жүргізген жедел-іздестіру шараларының нәтижесінде БҚО ПД ЖҚАЖ қызметкерлері 27 жастағы тұрғынды ұстады.
Оның пәтерінен тінту барысында атыс қаруы, атап айтқанда 12 калибрлі ИЖ-К маркалы бір оқпанды мықтықтың кесіндісі табылды. Қару атуға жарамды екендігі анықталды. Ер адамның тіркелмеген қарудың қайдан сатып алынғанын және қандай мақсатта сақтағанын полицейлер анықтап жатыр.
Қазіргі уақытта ҚР ҚК-нің 287-бабы 3-бөлігі (Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) бойынша сотқа дейінгі тергеу басталды.
Заңсыз айналымнан қаруды, оқ-дәрілерді және жарылғыш заттарды анықтау, табу жөніндегі жұмысты БҚО ПД Ұйымдасқан қылмысқа қарсы күрес басқармасы қызметкерлері тұрақты негізде жүргізіледі және БҚО ПД басшылығының ерекше бақылауында болады.
Қысқа да нұсқа. Жазылыңыз telegram - ға