Олимпиада чемпионы Елдос Сметов референдумда өз таңдауын жасады
Дзюдодан тұңғыш олимпиада чемпионы Елдос Сметов республикалық референдумға қатысып, өз таңдауын жасады. Бұл туралы zhambyl.okq сайтына сілтеме жасай отырып El.kz ақпарат агенттігі хабарлайды.
Ол Тараз қаласындағы №82 референдум учаскесіне келіп дауыс берді. Мемлекет үшін маңызды оқиғада азаматтық парызын орындаған спортшы өз отандастарының дауысы келешек үшін айрықша мәнге ие екенін атап өтті.
Бүгінгі референдум барша қазақстандық үшін маңызды оқиға. Атом электр станциясын салу немесе салмау туралы таңдауды халықтың өзі жасап жатқанын жөн деп санаймын. Өз отандастарымды өз таңдауларын жасауға шақырамын. Себебі елдің болашағы қашан да халықтың қолында. Мен де қарапайым халықтың қатарындағы азаматпын. Менің де дауысым маңызды деп ойлаймын. Бүгін өз таңдауымды жасадым, - деді чемпион.
Қысқа да нұсқа. Жазылыңыз telegram - ға