Нидерландта өткен наразылық акциясында 700-ге жуық адам ұсталды
Гаага маңындағы автожолда өткен климаттық белсенділердің наразылық акциясында 700-ге жуық адам ұсталды. Бұл туралы DutchNews порталына сілтеме жасай отырып El.kz ақпарат агенттігі хабарлайды.
Шамамен 700 адам ұсталып, автобуспен АДО Ден Хааг футбол стадионына жеткізіліп, сол жерде босатылды. Алайда 12 адам арандату сияқты құқық бұзушылықтар үшін қамауға алынып, тергеу үшін полиция бөліміне жеткізілді, – деп жазады портал.
Гаага полициясы наразылық білдірушілерді тарату үшін су атқыштарды қолданғаны айтылды. Ақпарат бойынша, билік бұл автожолда шеру өткізуге рұқсат бермеген және ұйымдастырушылардан оны басқа жерге ауыстыруды сұраған.Наразылық акциясын ұйымдастырған Extinction Rebellion қозғалысы Нидерланд билігінен қазбалы отын көздерін субсидиялауды тоқтатуды талап етеді.
Қысқа да нұсқа. Жазылыңыз telegram - ға