Найзағай, бұршақ: 6 сәуірде ауа райы қандай болады
«Қазгидромет» мамандары 6 сәуірде еліміздің бірқатар өңірінде қолайсыз ауа райына байланысты ескерту жариялады, деп хабарлайды El.kz ақпарат агенттігі.
Атырау облысының оңтүстігінде, шығысында кей уақытта қатты жаңбыр, найзағай күтіледі. Оңтүстік-шығыстан солтүстік-шығысқа ауысып жел соғады, күндіз облыстың шығысында екпіні 15-20 м/с.
Ақтөбе облысының оңтүстігінде, батысында найзағай ойнайды.
Батыс Қазақстан облысының түнде батысында, оңтүстігінде, найзағай ойнайды. Жел оңтүстіктен, оңтүстік-шығыстан соғады, күндіз облыстың батысында, солтүстігінде, шығысында екпіні 15-20 м/с.
Алматы облысының оңтүстігінде, таулы аудандарында тұман түседі.
Алматыда түнде тұман түседі.
Маңғыстау облысының солтүстігінде, орталығында найзағай ойнап, нөсер жаңбыр, бұршақ жауады. Шығыстан соғатын жел солтүстік-батысқа ауысады, күндіз облыстың оңтүстігінде, шығысында 15-20 м/с.
Ақмола облысының солтүстігінде, шығысында найзағай күтіледі. Оңтүстік-батыстан жел соғады, облыстың батысында, солтүстігінде, шығысында екпіні 15-20 м/с.
Қарағанды облысында түнде және таңертең облыстың батысында, солтүстігінде, шығысында тұман күтіледі.
Ұлытау облысында түнде және таңертең облыстың шығысында, орталығында тұман күтіледі.
Қостанай облысының батысында, солтүстігінде найзағай күтіледі. Түнде және таңертең облыстың солтүстігінде, шығысында тұман. Оңтүстік-батыстан жел соғады, күндіз облыстың батысында, солтүстігінде 15-20 м/с.
Шығыс Қазақстан облысының солтүстігінде, шығысында көктайғақ күтіледі. Түнде және таңертең облыстың солтүстігінде, шығысында, оңтүстігінде тұман күтіледі.
Абай облысының шығысында, оңтүстігінде тұман күтіледі. Жел оңтүстік-батыстан, батыстан соғады, облыстың батысында, солтүстігінде, орталығында 15-20 м/с.
Солтүстік Қазақстан облысында оңтүстік-батыстан жел соғады, түнде күші 15-20 м/с, күндіз облыстың батысында, оңтүстігінде екпіні 15-20 м/с күтіледі.
Қызылорда облысының солтүстігінде, оңтүстігінде, орталығында найзағай, дауыл күтіледі. Жел шығыстан, оңтүстік-шығыстан соғады, күндіз облыстың солтүстігінде, оңтүстігінде, орталығында 15-20 м/с күтіледі.
Жамбыл облысының батысында, оңтүстігінде, таулы аудандарында найзағай күтіледі. Оңтүстік-шығыстан жел соғады, облыстың таулы аудандарында 15-20 м/с күтіледі.
Павлодар облысында оңтүстік-батыстан жел соғады, батысында, оңтүстігінде, шығысында екпіні 15-20 м/с күтіледі.
Қысқа да нұсқа. Жазылыңыз telegram - ға