«Мүлікті бөліскісі келмеген»: Павлодарда ер адам әйелін өлтіруге адам жалдаған
Павлодарда шетелдік азамат бұрынғы әйелін өлтіруге тапсырыс бергені үшін сотқа тартылды, деп хабарлайды El.kz ақпарат агенттігі.
Павлодарда 53 жастағы Әзербайжан азаматы бұрынғы әйелімен ажырасқаннан кейін ортақ мүлік пен үш баланы бөлгісі келмей, оны өлтіруге тапсырыс берді деген күдікке ілінді. Павлодар облысының қылмыстық істер жөніндегі мамандандырылған ауданаралық сотында осы іске қатысты сот процесі басталды. Айыпталушылар қатарында екі павлодарлық азамат та бар.
Үшеуі де Қазақстан Республикасы Қылмыстық кодексінің 24-бабының 3-бөлігі (Қылмысқа дайындалу және қылмысқа оқталу), 99-бабының 2-бөлігі 7 және 8-тармақтары бойынша (Алдын ала сөз байласып, пайдакүнемдік немесе жалдамалы адамдар тобымен адам өлтіруге оқталу) айыптарымен сотқа тартылды.
Біздің балаларымыз бар, бір отбасы болдық, бірақ қарым-қатынасымыз дұрыс болмады. Екі жыл бұрын ажырасатынымды айттым. Осыдан кейін күйеуімнің мінез-құлқы өзгеріп, бірде мені ұрып-соқты. Күйеуім жұмыста болғанда, балаларымды қарап отыру үшін үйге келетінмін. Сот мені және балаларымды үш бөлмелі пәтермен қамтамасыз етіп, бұрынғы күйеуімді 1/4 тұрғын үй үлесін өтеуге міндеттеді. Мен ол үшін 4 миллион теңге несие алдым, бұл күйеуімді қатты ашуландырды, – деді жәбірленуші.
Прокурордың айтуынша, ер адам бұрынғы әйелінің жұмысына келіп, жанжал шығарып, әріптестерінің көзінше оны қорламақ болған. Кейін досынан әйелді қорқытатын адам табуды сұрады. Делдал бұл қызмет үшін 1 миллион теңге талап етіп, 900 мың теңге алған.
Бірақ жоспар өзгерді. Сотталушы Б. өзінің тағы бір танысы М.-мен кездесіп, әйелдің денсаулығына ауыр зиян келтіретін адамды табу үшін 3 миллион теңге беруге дайын екенін айтты.
2023 жылдың маусым айында 31 жастағы қазақстандық әйелге шабуыл жасады.
Таңертең жұмысқа бара жатқанда, капюшон киген адамның маған қарай келе жатқанын байқадым. Ол жақындап келіп, пышақ сұғып алды. Оқиға куәгерлері жедел жәрдем мен полиция шақырып үлгерді. Мен ауыр жарақат алып, 3,5 литр қан жоғалттым. Кеудеме 5 сағаттық ашық ота жасалды, үш ай бойы корсет киіп жүрдім. Күдіктілер ауруханадан шыққанымда ұсталды. Қылмыскерлер мені бұрынғы күйеуіммен қарым-қатынаста болды деп айыптады. Менің тілегім – сот әділ шешім шығарып, олар бала-шағама еш зиян келтірмейтіндей ұзақ мерзімге бас бостандығынан айырса екен, – деді жәбірленуші.
Сот айыпталушыларды кінәлі деп тапқан жағдайда, оларды 15 жылдан 20 жылға дейін немесе өмір бойына бас бостандығынан айыру жазасы күтіп тұр.
Қысқа да нұсқа. Жазылыңыз telegram - ға