Михаил Шайдоров Олимпиада ойындарына жолдама ұтып алды
Фото: ҚР ҰОК
Фото: ҚР ҰОК
28.03.2025 10:20
755
Қазақстандық мәнерлеп сырғанаушы Михаил Шайдоров АҚШ-тың өтіп жатқан әлем чемпионатында қысқа бағдарламада сәтті өнер көрсетіп, 2026 жылғы Олимпиада ойындарына жолдама алды, деп хабарлайды El.kz ақпарат агенттігі.
Бостонда Олимпиада ойындарына жолдамалар да сарапқа салынуда. Төрт құрлық чемпионатының жеңімпазы өз бағдарламасы үшін 94,77 ұпай жинап, аралық үшінші орынға тұрақтады. Негізі оның ұпайы жоғары да болушы еді, алайда аксель орындау кезінде Михаилдың қолы мұзға тиіп кетті.
Дәл қазір келесі жылы Олимпиада ойындарына қатысатынымды аса түсініп тұрған жоқпын. Бәлкім еркін бағдарламадан соң көбірек сезінетін шығармын, - деді Шайдоров.
Айта кетейік, еркін бағдарлама 30 наурызға қараған түні өтеді.
Бөлісу:
Қысқа да нұсқа. Жазылыңыз telegram - ға