Мемлекет басшысы Тәжікстан президентін құттықтады
![Мемлекет басшысы Тәжікстан президентін құттықтады Мемлекет басшысы Тәжікстан президентін құттықтады](/storage/storage/element/2023/09/09/mainphoto/67612/1200xauto_zbE5SuhXLLffZkFAO0GelIixve5BaHEJFjidQU39.jpg)
Мемлекет басшысы Қасым-Жомарт Тоқаев Тәжікстан президентіне құттықтау жеделхатын жолдады, деп хабарлайды El.kz ақпарат агенттігі.
Мемлекет басшысы Қасым-Жомарт Тоқаев Президент Эмомали Рахмонды және тәжік халқын ұлттық мерекесі – Тәуелсіздік күнімен құттықтады.
Қазақстан мен Тәжікстан арасындағы жоғары қарқынмен дамып келе жатқан ынтымақтастық жаңа мән-мазмұнға ие болды және байланыстарымыз стратегиялық серіктестік пен одақтастық деңгейіне толық сай келеді, – деп жазылған жеделхатта.
Президент бірлескен күш-жігердің нәтижесінде Қазақстан мен Тәжікстанның көпжақты қарым-қатынасы алдағы уақытта екі елдің игілігі мен мүддесі үшін нығая беретініне сенім білдірді. Сондай-ақ Қасым-Жомарт Тоқаев Эмомали Рахмонның жауапты мемлекеттік қызметіне табыс, ал бауырлас Тәжікстан халқына бақ-береке тіледі.
![Telegram](https://el.kz./static/site/images/tel26.png)