Мемлекет басшысы Қазақстан Қарулы күштері Бас штабының шұғыл кеңесін өткізді
![Мемлекет басшысы Қазақстан Қарулы күштері Бас штабының шұғыл кеңесін өткізді Мемлекет басшысы Қазақстан Қарулы күштері Бас штабының шұғыл кеңесін өткізді](/storage/storage/element/2023/09/05/mainphoto/66995/1200xauto_HSOntQ58Semxp9uXz80tnWrYfxUV3Rsg8U89I8sp.jpg)
Қарулы күштердің Жоғарғы Бас қолбасшысы Қасым-Жомарт Тоқаев «Батыл тойтарыс – 2023» оқу-жаттығу жиыны өтетін жерге келген соң Бас штабтың алдыңғы шептегі басқару пунктін аралап көріп, шұғыл кеңес өткізді, деп хабарлайды El.kz ақпарат агенттігі.
Ақорданың мәліметінше, бас штабтың бастығы, генерал-лейтенант Марат Құсайынов жалпы ахуал жөнінде баяндады. Содан кейін премьер-министрдің бірінші орынбасары Роман Скляр бейнебайланыс режимінде еліміздің қорғаныс әлеуетін арттыру үшін әзірленген шаралар туралы баяндама жасады.
Ал әскер түрлерінің бас қолбасшылары және «Оңтүстік» өңірлік қолбасшылығы әскерлерінің қолбасшысы, сондай-ақ Абай облысының әкімі мен Солтүстік Қазақстан облысы әкімінің міндетін атқарушы өздеріне сеніп тапсырылған аумақтағы жүктелген міндеттердің орындалу барысы жөнінде баяндады.
Кеңес барысында Президент армияны жоғары технологиялық қару-жарақпен және әскери техникамен қамтасыз ету қажет екенін атап өтті. Сондай-ақ отандық қорғаныс өнеркәсібі кешенін нығайтудың маңыздылығына назар аударды.
![Telegram](https://el.kz./static/site/images/tel26.png)