Мемлекет басшысы Куба президентіне құттықтау жеделхатын жолдады
![Мемлекет басшысы Куба президентіне құттықтау жеделхатын жолдады Мемлекет басшысы Куба президентіне құттықтау жеделхатын жолдады](/storage/storage/element/2024/01/01/mainphoto/83305/1200xauto_QbUIrZk2lGDxiUxRq7sQCG8sY6Ez7C4umc1cnftE.jpg)
Президент Қасым-Жомарт Тоқаев Қазақстан халқының және жеке өзінің атынан Мигель Марио Диас-Канель Бермудес пен Куба халқын Бостандық күнімен құттықтады. Бұл туралы Ақорданың баспасөз қызметіне сілтеме жасай отырып El.kz ақпарат агенттігі хабарлайды.
– Егемендік пен теңдікті қастерлей білген еліңіз бүгінде өзінің саяси-экономикалық тұрақтылығы мен халықаралық беделін арттыруда қомақты жетістіктерге қол жеткізуде. Осы тұста Отаныңыз баянды дамуын жалғастырып, биік мақсат-мұраттарға жете беруіне шынайы тілектеспін. Кариб бассейніндегі Қазақстанның жақын әрі сенімді серіктесі Кубамен ықпалдастығы халықтарымыздың игілігі үшін алдағы уақытта да тереңдей түсетініне кәміл сенімдімін, – деп жазылған жеделхатта.
Қасым-Жомарт Тоқаев Мигель Марио Диас-Канель Бермудестің аса жауапты қызметіне толағай табыс, ал достас Куба халқына құт-береке тіледі.
![Telegram](https://el.kz./static/site/images/tel26.png)