Мемлекет басшысы Финляндия Президентімен телефон арқылы сөйлесті
![Мемлекет басшысы Финляндия Президентімен телефон арқылы сөйлесті Мемлекет басшысы Финляндия Президентімен телефон арқылы сөйлесті](/storage/storage/element/2024/05/21/mainphoto/104771/1200xauto_7b1TmHYRFHX8IV35hkzTozvXlknCDzk67VLLQuD4.jpg)
Фото: t.me/aqorda_resmi
Фото: t.me/aqorda_resmi
21.05.2024 20:31
405
Финляндия тарапының бастамасымен өткен әңгімелесу барысында мемлекеттер басшылары екіжақты күн тәртібінің өзекті мәселелерін талқылады, деп хабарлайды El.kz ақпарат агенттігі.
Қасым-Жомарт Тоқаев пен Александр Стубб сауда-экономикалық және инвестициялық ықпалдастықты нығайтуға баса мән бере отырып, қазақ-фин байланыстарын барлық бағыт бойынша одан әрі қарқынды дамытуға өзара мүдделі екенін білдірді.
Тараптар көпжақты ұйымдар аясындағы қарым-қатынастарды одан әрі нығайту мәселелері жөнінде пікір алмасты. Мемлекет басшысы Финляндияның 2025 жылы Еуропадағы қауіпсіздік және ынтымақтастық ұйымына төрағалық қызметіне табыс тілеп, Қазақстанның конструктивті ықпалдастықты жалғастыруға дайын екенін растады.
Бөлісу:
![Telegram](https://el.kz./static/site/images/tel26.png)
Келесі жаңалық
Астана күніне орай елордада конкурдан жарыс өтіп жатыр