«Меломен» тобының әншісі ажырасқанын растады
«Меломен» тобының әншісі Ғабит Бибасыұлы әйелімен ажырасып кеткенін растады, деп хабарлайды El.kz ақпарат агенттігі.
Бұған дейін оның жұбайы Нұрилла Ақберен күйеуі екеуі екі бөлек кеткенін мәлімдеген. Оның сөзіне қарағанда, өнер иесімен ажырасқандарына бір жылдай уақыт болған.
Біріңіз білсеңіз, біріңіз білмессіз. Дегенмен сіздермен бөлісетін маңызды әңгімем бар. Мен ажырасқандар санын біреуге көбейттім. Тұрмыстық зорлық-зомбылық көрген әйелдің санын біреуге азайттым... Бұл шешімге келіп, балалармен кеткеніме бір жылдай уақыт болды. Әкесі балаларға қолдан келгенше көмектесіп жатыр. Мен балаларды әкесінен бөлмеймін. Оны балалардың әкесі ретінде сыйлаймын. Сол сыйға лайық болып, қалса екен деймін, - деген Нұрилла.
Осыдан соң желі қолданушыларының бірі Ғабит салған видеоның астына «Нұрилланы үш баласымен тастап кеткеніңіз дұрыс болмады», - деп пікір қалдырған. Ал әнші мұның тағдыр екенін айтқан.
Тағдырға мойынсынады екенсің, - деп жауап қайтарды Instagram парақшасында.
Қысқа да нұсқа. Жазылыңыз telegram - ға