Мектепке жол. Ақмола өңірінде 16 мыңға жуық оқушы көмекке мұқтаж
Облыстық білім басқармасының мәліметінше, 2022 жылдың 1 тамызынан бастап өңірде «Мектепке жол» республикалық акциясы өтіп жатыр.
Ақмола облысында 15 877 бала материалдық қолдауды қажет етеді, оның ішінде 1261 - бірінші сынып оқушысы, деп хабарлайды EL.KZ ҚазАқпаратқа сілтеме жасап.
Облыстық білім басқармасының мәліметінше, 2022 жылдың 1 тамызынан бастап өңірде «Мектепке жол» республикалық акциясы өтіп жатыр.
Биыл Ақмола облысында 15 877 бала материалдық қолдауды қажет етеді, оның ішінде бірінші сыныпқа баратын 1 261 оқушы бар. Акция басталғаннан бері облыс бойынша бірқатар іс-шаралар өткізілді. Облыстың аудандары мен қалаларында 225 рейд ұйымдастырылды, оған қоғам, мемлекеттік құрылым өкілдерінен 186 адам қатысты. Сондай-ақ, 137 қолайсыз отбасы, 29 ойын-сауық мекемесі, 4 компьютерлік клуб, 11 үйдің жертөлесі, 3 саяжай шаруашылығы,13 базар тексерілді. Жүргізілген рейд қорытындысы бойынша 19 кәмелетке толмаған бала анықталып, олардың ата-анасымен әңгіме жүргізілді, жұмысқа орналастыру, жәрдемақыны рәсімдеу бойынша кеңес берілді, - дейді облыстық білім басқармасының мектепке дейінгі және жалпы орта білім бөлімінің бас маманы Бақытжан Тұтқабаева.
Басқарманың баспасөз қызметінен атап өткендей, облыс бойынша 6 726 бала материалдық көмек алды.
«Мектепке жол» акциясы облыстың бүкіл аудан-қалаларында жалғасып жатыр.
Қысқа да нұсқа. Жазылыңыз telegram - ға