Мәскеуге бет алған жеке ұшақ апатқа ұшырады

Мәскеуге бет алған Falcon 10 ұшағы Ауғанстанның солтүстік-шығысында апатқа ұшырады, деп хабарлайды El.kz ақпарат агенттігі Euronews-ке сілтеме жасап.

Aamaj News ақпараттық агенттігі ұшақтың техникалық ақау салдарынан Бадахшан провинциясында құлағанын мәлім етті. Оқиға орнына мән-жайды тергеу үшін арнайы топ жіберілген.

Ресейде Ауғанстанда радардан жоғалған ұшақтың бортында алты адам, оның ішінде кейбір мәліметтер бойынша екі ресейлік болғанын хабарлады. Ұшақ Ташкент арқылы Мәскеуге бет алды.

Бұған дейін ұшақ Үндістанға тиесілі деп хабарланған, бірақ кейінірек Азаматтық авиацияның бас дирекциясы (DGCA ) ұшақ Үндістанның ешбір авиакомпаниясына тиесілі емес екенін мәлімдеді.

Алдын ала мәлімет бойынша, ұшақтың бортында алты адам болды – төрт экипаж мүшесі және екі жолаушы. Әуе кемесі Гай (Үндістан) – Ташкент (Өзбекстан) – Жуковский (Ресей) бағыты бойынша чартерлік санитарлық рейсті орындады, – деп хабарлады Ресей.

20 қаңтарда Falcon 10 ұшағы байланысын тоқтатты және Өзбекстан шекарасына жақын Ауғанстан аумағында радиолокациялық экрандардан жоғалып кетті.

Қысқа да нұсқа. Жазылыңыз telegram - ға