Жаңалықтар

Маңғыстауда аудандық полиция бөлімі бастығының орынбасары ұсталды

Жедел іздестіру іс-шаралары кезінде сыбайлас жемқорлыққа жол берген

Фото: polisia.kz

Фото: polisia.kz 10.01.2023 18:14 1193

Маңғыстау облысында Бейнеу аудандық полиция бөлімінің бастығы жемқорлық жасады деген күдікке ілінді, деп хабарлады облыстық полиция департаментінің баспасөз қызметі.

9 қаңтарда Маңғыстау облысы бойынша ұлттық қауіпсіздік комитеті департаменті мен Маңғыстау облысы полиция департаменті өзіндік қауіпсіздік басқармасының қызметкерлері бірігіп, жедел іздестіру іс-шараларын жүргізді.

"Жедел іздестіру іс-шаралары кезінде сыбайлас жемқорлыққа жол берген. Бейнеу ауданы полиция бөлімі бастығының орынбасары Т. Есбағанбетовты ұстады. Қазіргі уақытта тергеу жүріп жатыр. Тергеу мүддесі үшін өзге ақпарат жария етілмейді", - деп мәлімдеді баспасөз қызметі.

Бөлісу: