Маңғыстауда аудан халқы лас су тұтынған ба
Маңғыстау облысында Қарақия ауданы Жетібай ауылының тұрғындары 1 айдан бері лас, исі жағымсыз ауыз су тұтынып отырғанын айтып шағымын жолдады, деп хабарлайды El.kz ақпарат агенттігі mangystaumedia.kz-ке сілтеме жасап.
Тұрғындардың сөзінше, ауылда осы мәселеге байланысты шу шыққан соң әкімдік дереу ауыз су сынамасын санитарлық- эпидемиологиялық станцияға жіберген.
Ауыз су құраманың анықтамасы әлі келмеген. Бүгін ауылға ауыз су беру тоқтатылды. Құрамы лас су келіп жатқанға ұқсайды. Еділ суын сүзгіден өткізіп, халыққа тұтынуға беруі қажет еді. Бірақ, ауыз су сүзгіден өткізілмей, жіберілген, - дейді ауыл тұрғындары.
Осы сауалмен аудан әкімдігіне хабарласқан едік. Қарақия ауданының әкімі Сымбат Төретаев қазір осы мәселеге қатысты барлық қажетті шаралар атқарылып жатқанын айтты.
Қысқа да нұсқа. Жазылыңыз telegram - ға