Маңғыстау облысында жер екіге бөлініп, сызат пайда болған
Маңғыстау облысы Жетібай ауылында жер екіге бөлініп, үлкен сызат пайда болған, деп хабарлайды El.kz ақпарат агенттігі.
Желіде таралған видеода жердегі сызаттың 2 шақырымға созылып жатқаны айтылған. Қарақиян ауданының әкімдігі жағдайға қатысты түсініктеме берді. Видеодағы жер Жетібай ауылындағы Асар кен орнының солтүстігінде орналасқан, “ГУ-28” деп аталады.
Қарақиян ауданының әкімдігі "Маңғыстаумұнайгаз" АҚ зардаптарының себептерін анықтау және зерделеу мақсатында тиісті мекемемен келісім-шарт жасау жұмыстары жүргізіліп жатқанын хабарлады.
Сонымен қатар, тұрғындар мен шаруа қожалық иелерінің қауіпсіздігін қамтамасыз ету мақсатында "Маңғыстаумұнайгаз" АҚ қолдауымен жерді тегістеу үшін арнайы техникалар бөлу жұмыстары жүргізілуде, – делінген әкімдік хабарламасында.
Қысқа да нұсқа. Жазылыңыз telegram - ға