Маңғыстау облысында шенеунік 200 мың теңге жымқырғаны үшін сотталды
![Маңғыстау облысында шенеунік 200 мың теңге жымқырғаны үшін сотталды Маңғыстау облысында шенеунік 200 мың теңге жымқырғаны үшін сотталды](/storage/storage/element/2024/08/21/mainphoto/117844/1200xauto_YDMjWEY9nL1CmJwUGOpIIBglu0eXsBpWSn2MhIk3.jpg)
Маңғыстау облысының «Еңбек мобилділігі орталығы» КММ директоры сотталды, деп хабарлайды El.kz ақпарат агенттігі.
Антикор мәліметінше, Түпқараған аудандық соты Маңғыстау облысы Жұмыспен қамтуды үйлестіру және әлеуметтік бағдарламалар басқармасының «Еңбек мобильділігі орталығы» КММ директоры М.Қайранбаевқа қатысты үкім шығарды.
Ол Өзбекстан Республикасы азаматының жұмысқа орналасуға жәрдемдесу сылтауымен 200 мың теңге мөлшерінде ақша қаражатын алаяқтық жолмен жымқырғаны үшін кінәлі деп танылды. Сот үкімімен оған 2 жыл 4 ай мерзімге бас бостандығынан айыру жазасы тағайындалды, - делінген мәліметте.
Сондай-ақ сотталған адам мемлекеттік қызметте және квазимемлекеттік сектор субъектілерінде қызмет атқару құқығынан өмір бойы айырылды.
Үкім заңды күшіне енген жоқ.
![Telegram](https://el.kz./static/site/images/tel26.png)