Мәдениет және спорт министрі Седовтың өліміне қатысты пікір білдірді
Мәдениет және спорт министрі Асхат Оралов 35 жастағы ауыр атлет Владимир Седовтің өліміне қатысты пікір білдірді, деп хабарлайды El.kz ақпарат агенттігі.
Ведомство басшысы спортшының туған-туыстарына көңіл айтты.
Бірінші кезекте, оның мықты спортшы екенін атап өткім келеді. Қазақстан чемпионаттары мен халықаралық аренадағы жарқын жеңістері тарихта мәңгі қалатыны сөзсіз.
Спортшының туған-туыстары мен жақындары қайғыра көңіл айтамын, - деді Оралов.
2008 жылғы Бейжің олимпиадасының қатысушысы, Қазақстанның төрт дүркін чемпионы Владимир Седов өз-өзіне қол жұмсап көз жұмғанын хабарлағанбыз.
Осыдан соң Илья Ильин Владимирдің туған-туыстарына көңіл айтып, бұл Қазақстанның ғана емес, спорт әлемі үшін ауыр қаза екендігін алға тартты. Ильин көптеген спортшы шынымен де көмекке мұқтаж екенін, оларға қол ұшын созуымыз керектігін алға тартты.
Қысқа да нұсқа. Жазылыңыз telegram - ға