Күзде ауа райы қандай болады

Жылы және аз жауын-шашынды ауа райы қыркүйектің бірінші онкүндігінде ғана сақталады, содан кейін атмосфералық фронттардың жиі өзгеруі республиканың басым бөлігінде тұрақсыз ауа райына алып келеді, деп хабарлайды El.kz ақпарат агенттігі.

"Қазгидромет" РМК хабарлауынша, жаңбыр, екпінді жел және ауа температурасының жиі ауытқуы күтіледі, ал солтүстік аймақтарда түнде 1-7°C дейін үсік күтілуде.

Оңтүстік өңірлерде жоғары қысымды аймақтың әсерінен жауын-шашын нормадан аз болады деп болжануда және температура фоны салыстырмалы түрде жылы болып қалады. Алайда, ай бойы ауа температурасы: түнде + 15 +23°С-тан +3 +10°С-қа дейін, ал күндіз+25 +35°С-тан +15 + 23°С-қа дейін біртіндеп төмендейді.

Қыркүйек айында ауа температурасы республиканың басым бөлігінде нормадан 1° жоғары болады деп күтілуде, батыста, еліміздің қиыр шығысындағы және оңтүстік-шығысындағы таулы аймақтарда норма шамасында болжануда.

Қыркүйек айында жауын-шашын мөлшері республиканың басым бөлігінде норма шамасында және нормадан көп болжанса, елдің оңтүстік аймақтарында нормадан аз болады деп болжануда.

Қазан және қараша айларында күзден қысқа біртіндеп ауысу күтілуде. Жалпы алғанда, республиканың басым бөлігінде ауа температурасы алдағы жылдармен салыстырғанда әдеттегіден төмен болады, ал жауын-шашын мөлшері еліміздің барлық дерлік бөлігінде норма шамасында және нормадан көп болады деп болжануда. Тек еліміздің оңтүстік-батысы мен орталығында жауын-шашын нормадан аз күтілуде.

Қысқа да нұсқа. Жазылыңыз telegram - ға