Коронавирус Қытайдағы зертханада жасалған - америкалық ғалымдар
Америкалық конгрессмендер екі жылдық тергеу нәтижесінде коронавирус зертханадан шыққан деген қорытындыға келді. Бұл туралы АҚШ Өкілдер палатасының қадағалау комитетінің коронавирус бойынша баяндамасында айтылған, деп хабарлайды El.kz ақпарат агенттігі.
COVID-19 вирусы, ең үлкен ықтималдықпен, Қытайдың Ухань қаласындағы зертханадан шыққан, – делінген құжатта.
Олар вирустың табиғатта кездеспейтін биологиялық ерекшеліктерге ие екенін алға тартады. Сонымен қатар, барлық коронавирус жұқтыру жағдайлары бір адамнан басталды деп мәлімдейді, ал өткен пандемияларда әртүрлі таралу ошақтары байқалған еді.
Сондай-ақ, баяндамада SARS вирустарын зерттеуге маманданған Уханьдағы зертхана туралы айтылған. Конгрессмендер бұл зертхана «биологиялық қауіпсіздіктің жеткіліксіз деңгейінде» зерттеулер жүргізгенін мәлімдейді.
2019 жылдың күзіне қарай Ухань вирусология институтының қызметкерлері коронавирусқа ұқсас вируспен ауырған. Барлық ғылыми деректерге сүйенсек, егер вирус табиғи жолмен пайда болғанына дәлелдер бар болса, олар әлдеқашан табылар еді, – делінген баяндамада.
Сонымен қатар, конгрессмендер коронавирус пандемиясы кезінде жасалған алаяқтық туралы айтты. Олардың деректері бойынша, мемлекеттік көмек қаражатынан 250 миллиард доллардан астам ақша ұрланған.
Алаяқтар жұмыссыздықты сақтандыру жүйесі мен азаматтардың жеке мәліметтерін ұрлау арқылы АҚШ салық төлеушілеріне 191 миллиард доллардан астам шығын келтірді, – делінген құжатта.
Қысқа да нұсқа. Жазылыңыз telegram - ға