Көлік полицейлері есірткі тасымалдаған шетелдік азаматты ұстады
Фото: polisia.kz
Фото: polisia.kz
19.08.2024 16:49
470
Көлік полицейлері есірткі тасымалдаған шетелдік азаматты ұстады, деп хабарлайды El.kz ақпарат агенттігі.
Көлік полицейлері ҚР ҰҚК Шекара қызметімен бірлесіп, Абай облысының Ауыл станциясында жедел-іздестіру іс-шараларын жүргізу барысында Новосібір – Бішкек бағытындағы жолаушылар пойызында 28 жастағы шетелдік азаматты анықтап, ұстады.
Қызметтік-іздестіру иті осы жолаушыға белгі беріп, жеке тінту кезінде одан марихуана табылды. Айналыстан алып қойылған заттардың немесе айналысы шектелген заттардың контрабандасы фактісі бойынша сотқа дейінгі тергеп-тексеру жүргізілді. Сот шешімімен күдіктіге 200 АЕК (738 400 теңге) мөлшерінде айыппұл түрінде жаза тағайындалды.
Бөлісу:
Қысқа да нұсқа. Жазылыңыз telegram - ға
Келесі жаңалық
Тұман, көктайғақ: 23 ақпанға арналған ауа райы болжамы