Көктөбедегі «такси» жүргізушісі көпшілікті тәнті етті
Еуразиялық франчайзинг қауымдастығының президенті Бекнұр Кисиков қызық оқиғаға тап болғанын айтты, деп хабарлайды El.kz ақпарат агенттігі.
Ол Көктөбеге жаяу шықпақ болған, алайда жолдың ортасына келгенде шаршап, такси тоқтатады. Қымбат көлік тоқтағанда, ішінен риза болып, көмек қолын созған жүргізушіге алғыс айтқан. Алайда жүргізушінің жүзі таныс көрінсе де, ол Рамазан Стамғазиев екенін бірден аңғармаған.
Кейін достары көлік тізгінінде әйгілі әнші болғанын айтқанда, таң қалғанын жасырмады.
Бұл менің анамның сүйікті әншісі еді. Оның әндері жазылған дисктерді жинап, тіпті кейбірін интернеттен жүктеп алатынмын, – деп бөлісті Кисиков.
Бұл оқиға желі қолданушылары арасында түрлі пікір тудырды. Кейбіреулері танымал тұлғаның қарапайымдылығына сүйсінсе, енді біреулері әншінің расымен такси жүргізушісі болып жүрген-жүрмегеніне қызығушылық танытуда.
Қысқа да нұсқа. Жазылыңыз telegram - ға