Көкшетауда ер адам көлігінде уланып, көз жұмды
Полицейлер автокөлік жүргізушілерін қауіпсіздік шараларын ұмытпауға шақырады
Фото: polisia.kz
Фото: polisia.kz
10.11.2022 18:25
1012
Көкшетауда ер адам көлігінде уланып, көз жұмды, – деп хабарлайды El.kz Polisia.kz-ке сілтеме жасап.
Қайғылы оқиға 8 қарашада Көкшетау қаласында орын алды. Облыс орталығының 32 жастағы тұрғынының зорлық-зомбылық белгілері жоқ денесі гаражда тұрған көліктен табылды.
Сот-медициналық сараптамаға сәйкес, ер адамның өлімі көміртегі тотығымен улану салдарынан болған. Қазіргі уақытта полицейлер қайғылы оқиғаның барлық мән-жайларын анықтауда.
Полицейлер автокөлік жүргізушілерін қауіпсіздік шараларын ұмытпауға шақырады. Газбен уланудың алдын алу үшін автокөліктің шығару жүйелерінің дұрыстығын және олардың герметикалығын үнемі тексеріп отыру қажеттігін еске салады.
Бөлісу:
Қысқа да нұсқа. Жазылыңыз telegram - ға