Көкшетауда босандыру қызметін жетілдіру мәселелері бойынша көшпелі отырыс өтті
Көкшетауда босандыру қызметін жетілдіру мәселелері бойынша үйлестіру кеңесінің республикалық көшпелі отырысы өтті, деп хабарлайды El.kz ақпарат агенттігі.
Денсаулық сақтау вице-министрі Ержан Нұрлыбаев арнайы келген жиында Ақмола облысының денсаулық сақтау басқармасы басшысының орынбасары Елена Иванова облыстағы босандыру қызметін ұйымдастыру туралы баяндады. Ол 2024 жылы облыстағы перзентханаларға 90 бірлік құрал-жабдық сатып алынғанын атап өтті. 2024 жылдың тамыз айында «Бір күндік клиника» жобасы іске қосылды, онда жүкті әйелдер бір күн ішінде «бір терезе» принципі бойынша пренатальды диагностиканың барлық түрінен өтіп, тез әрі нақты тест нәтижелерін ала алады. Өткен мерзімде 1867 жүкті әйел акушер-гинекологтардың қарауынан өтті.
Акушерлік көмекке кешенді көзқарасты қамтамасыз ету үшін 2025-2026 жылдарға арналған ана өлімін азайту жоспарының жобасы әзірленді. Ол тек мамандармен қамту мен жаңа құрал-жабдықтарды сатып алуды ғана емес, сонымен қатар акушерлік қызметте органдарды сақтау операциялары бойынша үздіксіз кәсіби біліктілігін арттыруды көздейді.
Ержан Нұрлыбаев әйелдер денсаулығы – ұлт саулығы, адами ресурстардан бастап техникалық ресурстарға дейін әйелдер денсаулығын сақтау мен жақсарту мәселелерін шешуге, сондай-ақ профилактикалық шараларға бағытталуы керектігін атап өтті.
Келген мамандар медициналық ұйымдарда жүкті әйелдерге көрсетілетін медициналық көмектің сапасына қатысты сұрақтар қойды. Инфекциялық қауіпсіздікті қамтамасыз ету жағдайы, сондай-ақ ана өлімін азайтудағы республикалық орталықтың рөлі талқыланды.
Бүгінде 7300 ақмолалық әйел сәби күтуде. Денсаулық сақтау вице-министрі Көкшетауға сапары барысында перинаталдық орталықта болып, «Бір күндік клиника» консультативтік-диагностикалық бөлімшесінің қызметімен танысты; реанимация және жаңа туған нәрестелер патологиясы бөлімдері, сондай-ақ жағдай орталығының жұмысы. Басты назар тәуекелдерді азайтуға және халықтың медициналық көмектің уақтылы және сапалы көлеміне қанағаттануын арттыруға мүмкіндік беретін осы мониторинг жүйесін жетілдіру қажеттілігіне аударылды.
Қысқа да нұсқа. Жазылыңыз telegram - ға