Клебановтың меншігіндегі ЖЭО-ға мемлекет неге қаржы бөледі?
Бұл сауалға Мәжіліс депутаты Елнұр Бейсенбаев пікір білдірді, деп хабарлайды El.kz ақпарат агенттігі.
Жыл басында Александр Клебановтың меншігіндегі Екібастұзда апатты жағдайда тұрған ЖЭО-ға мемлекет тарапынан қаржы бөлінген болатын.
Депутат Елнұр Бейсенбаевтың айтуынша, өңірдегі апаттан кейін Клебанов ЖЭО-ның жөндеу жұмысына қаржы бөлді.
Өткендегі Екібастұздағы жағдайдан кейін Клебанов біршама қаражатын ЖЭО-ны жаңғыртуға жолдады. Нақты қанша қаржы екені жөнінде менде есеп жоқ. Дегенмен миллиардтаған ақшаны ЖЭО-ны жөндеуге құйды, - деді мәжілісмен.
Оқи отырыңыз:
- Құмар ойынға 507 миллион теңге құртқан шенеуніктер анықталды
- «Шындық көп айтыла бастады». Депутат Мәжілістің жұмысы жайлы
Сондай-ақ депутат Елнұр Бейсенбаевқа «егер ЖЭО Александр Клебановтың меншігінде болса, неліктен мемлекеттік бюджеттен ЖЭО-ға қаржы бөлініп отыр?» деп сұрақ қойды журналистер.
Бірінші ЖЭО-ны олар жөндеуі керек. Соншама жылда тапқан табысы қаншама. Біз білеміз ғой ЖЭО-дағы жағдайдың қалай болғанын. Олар ЖЭО-ны екіге бөледі. Біріншісі – электр желісін, элект қуатын алады да, осы күнге дейін майнинг компанияларға сатып отыру арқылы өздерінің қалталарын қомпитады. Барлық ЖЭО-дағы жағдай солай болды. Жуырда қабылданған шешім бойынша еліміздегі майнинг компаниялардың жұмысына тоқтау қойылды. Ал екінші бір бөлігі – жылыту маусымы. Басты назарын олар қаражат табуға бөлгендіктен, жылыту маусымында тұралап қалған тұстарымыз бар. Қазір біздегі моноқалалар қысқа дайын емес. Екібастұз, Риддер, Рудныйдағы ЖЭО-ның мәселесі шаш етектен. Арқалықтағы ЖЭО 2012 жылы тапсырылған, содан бері әлі жұмыс істемейді. Кентау мен Теміртаудағы ЖЭО-ның жағдайы да мүшкіл, - деді ол.
Депутат ЖЭО-ны мемлекеттің меншігіне қайтару тиімсіз екенін айтты.
ЖЭО-ны мемлекеттің меншігіне қайтарып, 100 пайыз оны мемлекеттің қаражатына жөндеу тиімсіз. Ең алдымен Клебанов өз қаражатына ЖЭО-ны жөндеуі керек, кейін қалғанын мемлекет қарастырады, - деді Бейсенбаев.
Қысқа да нұсқа. Жазылыңыз telegram - ға