Жаңалықтар

Каспий теңізінде жоғалып кеткен ер адамның денесі табылды

Фото: Қарақия ауданы әкімдігі

Фото: Қарақия ауданы әкімдігі 02.08.2023 23:22 1356

Бірнеше күн Каспий теңізінде 36 жастағы ер адам жоғалған, деп хабарлайды El.kz ақпарат агенттігі.

Маңғыстау облыстық ТЖД мәліметінше, 1 тамызда оның денесін балықшылар тапқан.

Іздестіру-құтқару жұмыстарына аудандық ТЖ бөлімінің қызметкерлері, еріктілер, жергілікті тұрғындар, балықшылар және хабар-ошарсыз кеткен адамның туыстары жұмылдырылды.

30 шілдеден бастап Каспий теңізінің жағалауындағы Құрық ауылынан 7 км қашықтықта ТЖД Жедел-құтқару жасағының күшімен балық аулау кезінде жоғалып кеткен 1987 жылы туған азаматты іздеу жұмыстары жүргізілді. Ер адамның мәйітін 1 тамызда шамамен 11:50-де жергілікті балықшылар тапты, - делінген мәліметте.

Бөлісу: