"Janym Qazaqstan" фильмі Ыстамбұлдағы студенттерге ерекше әсер қалдырды
Ыстамбұлда Қазақстан студенттеріне арналған "Janym Qazaqstan" қазақстандық фильмнің жабық көрсетілімі өтті, деп хабарлайды qazaqgeography.kz-ке сілтеме жасап El.kz ақпарат агенттігі.
Қазақстанның Бас консулдығы мен "Шымбұлақ" тау шаңғысы курортының қолдауымен ұйымдастырылған іс-шараға 400-ден астам студент жиналды. Олар бірегей жобаның алғашқы көрермендері атанды. Фильм махаббат, достық және мәдени алмасудың маңыздылығы арқасында Қазақстаннан тыс жерлерде қызығушылықты арттырды.
QazaqGeography және QG Production бірлескен жобасы жастар арасында ерекше әсер қалдырды.
Фильмдегі оқиға жүрекке әсер етіп, өзіміздің мұра мен табиғатымызды бағалаудың маңыздылығы туралы ой салды, — деді Ыстамбұлда оқитын Қазақстаннан келген студент.
Кеш қонақтары ретінде Стамбулдағы Қазақстан Республикасының Бас консулы Аманқұл Нұриддин, жобаның бас продюсері Жасұлан Сейсенханов, басты кейіпкер Ілияс Көпжасаров, композитор Кенжебек Нұрдолдай қатысты. Бұдан өзге жабық көрсетілімге келгендер қатарында Синан университетінің профессоры, түрік ғалымы Абдулвахап Кара-Мимар, қазақ-түрік Білім және зерттеулер қоғамының басшысы Сулейман Озтопрак, зиялы қауым мүшелері Мансур Тейджи мен Ерол Йолджу және тағы да басқалары бар.
Бүгінгі фильм шынымен де бізді қуантып және мақтаныш сезімін тудырды. Бізде әлемге көрсететін көп нәрсе бар. Бұл Аризона, Жаңа Зеландия немесе Швейцария емес. Бұл біздің бай, ерекше Қазақстанымыз, ол назар аударуға және таңдануға лайық,-деді ҚР Ыстамбұлдағы Бас консулы.
Айта кетсек, "Janym Qazaqstan" - бұл жай ғана кино емес. Ол Қазақстанның мәдени байлығы мен табиғи сұлулығын ілгерілетуге бағытталған жоба. Онда қазақстандықтарға да, шетелдегі көрермендерге де жақын құндылықтар баяндалады. Жобаға Қазақстанның әлемдік аренадағы бірегей табиғи көрікті жерлерін ілгерілетуге көмектесетін "Шымбұлақ" тау шаңғысы курорты ерекше қолдау көрсетті.
"Janym Qazaqstan" Отанға деген ортақ сүйіспеншілігін және өз әлеуетін дамытуға деген ұмтылысын көрсете отырып, шетелдегі қазақстандық жастардың бірігуінің символына айналды.
Қысқа да нұсқа. Жазылыңыз telegram - ға