Италияда өтетін қысқы Универсиадаға қанша қазақстандық спортшы қатысады
2025 жылы 13-23 қаңтар аралығында Италияның Турин қаласында XXXII Дүниежүзілік қысқы универсиада өтеді, деп хабарлайды El.kz ақпарат агенттігі.
Әлемнің 57 елінен 2000-ға жуық спортшы қатысатын ірі студенттік бәсекеде 11 спорт түрінен 96 медаль жиынтығы сарапқа салынады. Биыл алғаш рет екі жаңа спорт түрі енгізілген: пара тау шаңғысы және пара шаңғы жарыстары. Универсиадада Қазақстан намысын 103 спортшы қорғамақ, олар ұлттық және жастар құрамаларының мүшелері.
Қатысушыларды осы жылы Оқу-ағарту министрлігі "Ұлттық ғылыми-практикалық дене шынықтыру орталығы" РМҚК іріктеген. FISU ережелеріне сәйкес, барлық қатысушы 1 қаңтардағы жағдай бойынша кемінде 17 жаста болуы және 25 жастан аспауы керек.
Сонымен қатар олар өздері намысын қорғайтын елдің азаматы болып, жоғары оқу орнында білім алуы шарт.
Қысқа да нұсқа. Жазылыңыз telegram - ға