IT-Aiel бағдарламасының ұйымдастырушылары түлектерін жұмысқа орналастыра ма?
IT-Aiel бағдарламасымен қалай жұмысқа орналасуға болады? Бұл туралы Astana Hub білім беру бағдарламалар офисінің директоры Дәулет Беймурзинов айтты, деп хабарлайды El.kz ақпараттық агенттігі.
Орталық коммуникациялар қызметінде өткен брифингтің сұрақ-жауап бөлімінде журналист «IT-Aiel бағдарламасымен оқып, сертификат алған әйелдерді әрі қарай жұмысқа орналастыру қарастырылған ба?» деген сұрағын жолдады.
Оқи отырыңыз:
- ҚТЖ биыл тағы 50 жолаушылар вагонын сатып алады
- Елімізде әлеуметтік маңызы бар азық-түліктің бағасы төмендеді
Бұл бағдарламаның негізгі мақсаты – жұмыссыз әйелдерді фриланс нарығына шығару. Жалпы кез келген қатысушы өзіне лайық тапсырыстарды тауып, ақша таба алады. Бұл – бірінші жолы. Екіншіден, Astana Hub аясында бізде көптеген стартап бар. Егер қатысушылар белгілі бір деңгейге жететін болса, онда олар стартаптардың аясында жұмыс істей алады, - деп жауап берді Дәулет Беймурзинов.
Сондай-ақ Astana Hub білім беру бағдарламалар офисінің директоры IT-Aiel бағдарламасына халықаралық EPAM компаниясы қолдау білдіріп жатқанын айтты. Оған қоса ол алдағы уақытта IT-Aiel бағдарламасына көптеген ұсыныс түседі деген ойда екенін жеткізді.
Бұған дейін аталған бағдарламаға қатысуға 2307 әйел өтініш бергені туралы жазғанбыз.
Қысқа да нұсқа. Жазылыңыз telegram - ға