Испания Еуро-2024 финалына шықты
Фото: ©El.kz/Ербол БЕКБОЛАТ/Midjourney
Фото: ©El.kz/Ербол БЕКБОЛАТ/Midjourney
10.07.2024 06:18
916
Испания құрамасы футболдан 2024 жылғы Еуропа чемпионатының алғашқы финалисі атанды, деп хабарлайды El.kz ақпарат агенттігі.
Испания 10 шілдеге қараған күні Мюнхендегі 66 мың көрерменнің алдында Францияны 2:1 есебімен жеңді.
Матчта есепті бірінші болып 8-минутта француз Рандаль Коло Муани ашқан. Алайда 21-минутта турнирдің ең жас ойыншысы испаниялық Ламин Ямаль таразы басын теңестірді. Жеңіс голын 25-минутта Дани Ольмо соқты.
Испанияның финалдағы қарсыласы бүгін анықталады: Нидерланд пен Англия құрамалары жартылай финалда өзара кім мықтыны анықтайды.
Испания осымен тарихта бесінші рет Еуропа чемпионатының финалына шықты.
Еуро-2024 финалы 14 шілде күні Берлиндегі Олимпиадалық стадионда өтеді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Найзағай, жел, аптап ыстық: 10 шілдеге арналған ауа райы болжамы
Келесі жаңалық
Ақтөбе облысындағы ауданда мектеп пен балабақша жөнделді